Dashi
Ka shumë gjasa që çiftet që kanë pasur prej kohësh probleme të mendojnë të ndahen sot. Për disa do jetë zgjidhja më e mirë në fakt. Beqarët sërish do jenë të pafat në dashuri. Mundësitë që do u jepen për takime nuk do jenë aspak interesante. Financat do jenë të stabilizuara. Do e mbani gjithë kohës nën kontroll situatën dhe nuk do keni vështirësi.
Demi
Marrëdhënia në çift do jetë shumë e mirë sot. Nuk do keni për çfarë të ankoheni sepse partneri do ua plotësojë të gjitha dëshirat. Beqarët do fiksohen pas një personi dhe do harrojnë gjithçka tjetër, madje edhe të ushqehen apo të flenë. Financat do jenë të mira nëse ju tregoheni të kujdesshëm me shpenzimet apo me transaksionet që do kryeni.
Binjakët
Ditë tërësisht e mbrojtur kjo e sotmja për të dashuruarit. Tensioni do mbarojë njëherë e mirë dhe do filloni t’i kuptoni edhe gabimet që keni bërë. Beqarët do afrohen mjaft pas një miku të afërt dhe do e shikojnë natën me një sy tjetër. Në planin financiar nuk do keni të drejtë të gaboni. Dyfishojeni maturinë dhe vigjilencën që të mos keni të papritura.
Gaforrja
Pas një periudhe jo shumë të mirë për jetën tuaj në çift, më në fund do pajtoheni me partnerin dhe do filloni një tjetër etapë. Beqarët do ndihmohen nga Venusi dhe do arrijnë ta gjejnë princin e tyre të kaltër. Nuk do ndihen më të vetmuar dhe nuk do vuajnë në heshtje. Plutoni do iu mbështesë në planin financiar dhe do i zgjidhni të gjitha problemet.
Luani
Perspektivat janë të mira sot për jetën sentimentale të të dashuruarve. Dielli dhe Merkuri do iu bëjnë më sharmantë dhe do kaloni momente fantastike me partnerin. Beqarët do kenë shumë kërkesa dhe nuk kanë për ta gjetur as sot personin që kanë në mendje. Me paratë nuk duhet të bëni çmenduri. Shpenzoni aq sa mundeni nëse doni të ruani qëndrueshmërinë.
Virgjëresha
Do jeni në humor shumë të mirë sot ju të dashuruarit dhe do i shprehni pa fund ndjenjat ndaj partnerit. Momentet romantike gjithashtu nuk do mungojnë. Beqarët do përzgjedhin shumë dhe nuk do e kenë të lehtë të gjejnë personin ideal. Në planin financiar çdo gjë do shkojë më së miri. Situata jo vetëm që nuk do tronditet, por mund të keni edhe përmirësime të ndjeshme.
Peshorja
Do i kaloni pak nga pak vështirësitë që iu kishin dalë sot në jetën tuaj në çift dhe do i shihni gjërat me një sy edhe më pozitiv. Partneri do tregojë më shumë tolerancë se kurrë. Beqarët do pëlqejnë dikë jashtë mase, por do kenë vështirësi për ta bërë për vete për shkak të konkurrencës së fortë. Financat do jenë shumë më të mira se kohë më parë.
Akrepi
Çiftet do i kenë gjërat shumë të qarta sot dhe nuk do hedhin asnjë hap të nxituar. Bashkëpunimi, toleranca dhe mirëkuptimi do mbizotërojnë gjatë gjithë kohës. Beqarët do kenë një ditë të zakonshme dhe pa ndonjë takim interesant. Financat nuk do jenë aspak në gjendjen më të mirë. Do keni goxha vështirësi për të ruajtur ekuilibrin.
Shigjetari
Ditë e animuar dhe plot surpriza kjo e sotmja për të dashuruarit. Do përjetoni emocione pa fund dhe shpesh do iu duket sikur jeni në ëndërr. Beqarët do ndihen gati për të filluar një lidhje të qëndrueshme. Mundësitë do jenë të shumta. Me financat do keni disa vështirësi të vogla, të cilat me pak durim dhe përkujdesje do arrini t’i zgjidhni.
Bricjapi
Çiftet do kenë një ditë shumë të paqëndrueshme dhe herë pas here të mbushur me debate. Kujdes me fjalët që do thoni sepse po e prekët partnerin në pikat e tij të dobëta mund të shkatërroni gjithçka që keni dëshëruar. Beqarët do ndihen mirë edhe ashtu si janë prandaj nuk do kërkojnë më ngulm një person në krah. Me financat çdo gjë do shkojë më së miri.
Ujori
Ditë e begatë kjo e sotmja për të gjithë ata që janë në një lidhje. Marrëdhënia me partnerin do jetë e ngrohtë dhe nuk do ketë asnjë të papritur të pakëndshme. Beqarët duhet të dalin nëpër takime, por jo t’iu besojnë të gjithë atyre që do i joshin. Financat do kërkojnë më shumë se kurrë vëmendje prej jush. Mos lejoni që situata t’iu dale jashtë kontrollit.
Peshqit
Ambienti në lidhjen tuaj do jetë goxha i tensionuar sot. Nuk do kuptoheni si duhet me atë që keni në krah dhe debatet herë pas here do jenë të zjarrta. Beqarëve do iu rëndojë pa fund vetmia, por nuk do kenë çfarë të bëjnë. Duhet ende durim për të gjetur personin ideal. Në financat do jeni shumë të kujdesshëm dhe nuk do bini pre e tundimit për të shpenzuar pa fund.
