Sot në ditën Ndërkombëtare të Gruas jo të gjithë kanë zgjedhur të festojnë. Në qytetatin e Durrësit kanë zgjedhurt një formë të veçantë ‘proteste’ për gratë e vrara si pasojë e dhunës në familje. Dhjetra këpucë të kuqe kanë mbushur bulevardin kryesor të qytetit në shenjë homazhi.
Ka qenë teatri “Aleksandër Moisiu” që e ka marrë këtë nismë në 8 Mars me synimin që të rrisë ndërgjegjësimin për të drejtat e grave në Shqipëri.
Në shoqërinë shqiptare dhuna ndaj grave mbetet një plagë e madhe. Çdo vit raportohen me qindar raste te dhunës në familje dhe dhjetra gra viktima të kësaj dhune. Mediat kanë raportuar pafund raste kur gratë përfundojnë të vrara nga bashkëshortët e tyre për arsye nga më të ndryshmet.
Gjendja ekonomike e rëndë, varfëria mungesa e arsimimit etj. bëhen shkqe për dhunimin e grave deri në vrasjen e tyre. Gratë shqiptare janë lënë në mëshirë të fatit edhe nga shteti që nuk i mundëson mbrojtje e mbështetje ekonomike për t’u larguar nga dhuna që ushtrohet ndaj tyre. Nuk kanë qenë të pakta rastet kur edhe me një urdhër mbrojtjeje gratë kanë përfudnuar viktima të burrave të tyre dhunues. Viti i vështirë që po kalojmë e ka shtuar edhe më shumë dhunën ndaj grave, në kushtet e një humbjeje të madhe ekonomike e izolimi, gratë tashmë kanë mbetur të vetme në luftën e tyre të përhershme.
