Një ngjarje e pazakontë ka ndodhur në një kafene në qytetin lindor ‘Ede’ në Holandë.
Mediat ndërkombëtare shkruajnë se një burrë ka marrë peng të paktën katër persona (të gjithë punonjës) në kafenenë Petticoat në qytetin Ede.
“Një kontingjent i madh policie ka rrethuar zonën në qendër të qytetit”, raportoi media holandeze.
Mësohet se policia ka evakuuar rreth 150 banesa pranë lokalit, pasi personi kërcënoi se do të shpërthente eksploziv.
Policia u ka bërë thirrje qytetarëve që të shmangin qendrën e qytetit, e cila ndodhet jo shumë larg Arnhemit.
Sipas njoftimeve të policisë, nuk ka të dhëna se kjo ngjarje ka lidhje me motive terroriste. Shërbimet e trenave në zonën e prekur janë anuluar.
Pak minuta më pas u njoftua se ai është dorëzuar para policisë dhe tashmë është në duart e autoriteteve policore.
