Një 71-vjeçar është shtruar në spitalin Papanikolaou të Selanikut pasi rezultoi pozitiv ndaj virusit HMPV.
Lajmi u bë i ditur nga stacioni televiziv Open, ndërsa priten deklaratat zyrtare të mjekëve.
Metapneumovirusi, i njohur për mjekët dhe i përhapur në formë pandemie në Kinë prej javësh, u konstatua tek pacienti pas kthimit të vajzës së tij nga Kina gjatë festave të fundvitit.
Disa ditë pas kthimit të saj, 71-vjeçari shfaqi simptomat e para dhe fillimisht u paraqit në një klinikë private.
Më 3 janar, ai u shtrua në spitalin Papanikolaou, i njohur për klinikën e avancuar të mushkërive, ku të shtunën iu nënshtrua një testi PCR. Rezultatet e së hënës konfirmuan infektimin me virusin HMPV.
