Në një njoftim të fundit Ogerta Manastirliu ka komunikuar heqjen e fashave të orareve kufizuese gjatë fundjavës.
Nisur nga kjo datë, lëvizja do të bëhet pa asnjë kufizim po ashtu kjo do të shënojë edhe datën e hapjes së plazheve me autorizim përkatës.
Do të hapen çerdhet, kopshtet dhe kampionatet sportive pa praninë e publikut. Palestrat do të hapen sipas protokollit të miratuar.
Transporti publik do të vazhdojë të jetë i mbyllur, po ashtu edhe pishinat.
Edhe kryeministri Edi Rama ka shpërndarë deklaratën për shtyp të Manastirliut, duke theksuar se fundjavat do të jenë të hapura.
“Kjo fundjavë do të jetë e lirë për qytetarët dhe bizneset hapur, përfshirë edhe lokalet (jashtë) apo plazhet vetëm për banorët e qyteteve bregdetare, ndërsa dalja nga zonat e kuqe e ndaluar deri të hënën,”-shkruan Rama.
