Mendohet se dy ndeshjet e fundit të këtij viti, ato kundër Spalit dhe Frozinones, mund të jenë të fundit për Gatuzon por edhe për Higuainin. Sipas ‘Sportmediaset’, sulmuesi 30-vjeҫar po shkon drejt fundit të kontratës.
Drejtuesit e Milanit dhe ata të Çelsit po punojnë në heshtje për operacionin e shkëmbimit me Moratën muajin e ardhshëm.
Burime nga Italia bëjnë me dije se drejtoresha e përgjithshme e Çelsit dhe drejtori teknik i Milanit, janë takuar javët e fundit për të diskutuar për të ardhmen e Bakajokos dhe Fabregasit gjithashtu edhe për shkëmbimin i cili mund të bëhet në dy mënyra.
Mënyra e parë është që Higuain të shkojë në Londër dhe në qershor të transferohet përfundimisht, ndërsa Morata të qëndrojë te Milani për 18 muaj.
Ndërsa mënyra e dytë është shkëmbimi kokë më kokë për 6 muaj dhe në fund të vendoset nëse do të qëndrojë secili në vendet ku ndodhen.
Gjithashtu, sipas “Corriere dello Sport” ekziston mundësia e rikthimit të Patos, por problem është prishja e kontratës me klubin kinez e cila është fiksuar 25 milionë euro.
(Panorama)
