Komisoni Qendror i Zgjedhjeve ka hedhur shortin për renditjen e partive politike në zgjedhjet e25 prillit. E para në listë do të renditet Paria Social-Demokrate e Tom Doshit, së cilës iu lejua pjesëmarrja në zgjedhje pavarësisht se ambasadorja amerikane Yuri Kim kishte deklaruar se nuk duhet të kandidojnë figura që janë shpallur non-grata nga SHBA.
Partia Socialiste do të mbajë numrin 12 në listë, ndërsa Partia Demokratike do të renditet e 9-ta. Lëvizja Socialiste për Integrim do të mbajë numrin 6. E dyta është renditur partia Balli Kombëtar ndërsa e treta Lëvizja Demokratike Shqiptare.
Renditja:
PSD – renditet e para në listë
Balli Kombëtar – në vendin e dytë
Lëvizja Demokratike Shqiptare – numri 3
Bindja Demokratike – është e katërta
AOKEBPK – numri 5
LSI – do të renditet e gjashta në listë
Nisma Thurje – numri 7
Partia Lëvizja e Re – numri 8
PD-Aleanca për Ndryshim – do të renditet e 9-ta
Aleanca Demokracia e Re – numri 10
Lëvizja për Ndryshim – numri 11
PS – mban vendin e 12-të
Më herët partitë kanë dorëzuar listat e tyre të kandidatëve për deputetë në Komisonin Qendror të Zgjedhjeve, ndërsa vazhdon fushata elektorale dhe deklaratat që sulmojnë kundërshtarin si nga qeveria ashtu edhe nga opozita. Ndërkohë, një vend në listën rendore të fletës së votimit. e kanë edhe kandidatët e pavuarur për deputetë.
