Një ngjarje tragjike është regjistruar paraditen e sotme në zonën e “Don Boskos” në Tiranë, ku një grua dyshohet se i ka dhënë fund jetës duke u hedhur nga kati i tetë i pallatit ku banonte.
Sipas njoftimit zyrtar të Policisë, rreth orës 11:00, 60-vjeçarja me iniciale L. M. ka rënë nga lartësia dhe ka ndërruar jetë në vend si pasojë e plagëve të marra.
Grupi hetimor ndodhet në vendngjarje dhe po punon për të sqaruar plotësisht rrethanat e rastit dhe motivet që mund ta kenë çuar gruan drejt këtij akti ekstrem.
Njoftimi i policisë:
Tiranë/Informacion paraprak.
Rreth orës 11:00, në rrugën “Don Bosko”, dyshohet se është vetëhedhur nga lartësia e katit të 8-të, në pallatin ku banonte, shtetasja L. M., rreth 60 vjeçe, e cila për pasojë ka humbur jetën.
Grupi hetimor ndodhet në vendngjarje dhe punon për identifikimin e saj dhe sqarimin e rrethanave të rastit.
