Nuk ka qetësi për të mëdhenjtë e teknologjisë dhe këtë e njoftoi “Wall Street Journal” që zbuloi se prokurorët e përgjithshëm në Texas dhe New York do të fillojnë hetime të ndara në ngarkim të Google dhe Facebook.
Hetimi për Google do të hapet nga republikani Ken Paxton, prokuror i përgjithshëm në Texas, që do të mbështetet nga një grup bipartizan prej rreth 30 prokurorësh nga shtete të tjera.
Për këtë do të ketë një komunikim me shtypin, të hënën në Gjykatën e Lartë dhe subjekt i hetimit do të jetë impakti i Google në tregun e reklamave digjitale.
Si dhe mundësia për të dëme të shkaktuara ndaj konsumatorit për faktin e përqëndrimit të fushatave në një kompani të vetme.
Facebook ndërkohë është në tavolinën e punës së prokurores së New York, demokrates Letitia James, me të cilën pritet të bashkohen edhe disa kolegë të tjerë në të njëjtin post.
Fokus i hetimit do të jenë sërish privacia dhe mbrojtja e të dhënave të përdoruesve.
Shqetësim tek hetuesit përbën kontrolli i të dhënave nga kompanitë teknologjike dhe praktikat e konkurencës që i vënë në rrezik konsumatorët, në këtë rast përdoruesit.
