Mijëra afganë, nxituan në aeroportin në Kabul në përpjekje për të ikur nga Afganistani, pasi talebanët morën kontrollin e kryeqytetit. Në kaosin e krijuar në aeroport, tre persona fatkeqësisht humbën jetën. Talebanët tashmë kanë pushtuar të gjithë vendin, ata ndodhen kudo, në pikat e kontrollit, që dikur ishin policia dhe shërbenin si barrikada ushtarake. Ata kontrollojnë trafikun, kontrollojnë makinat, por në veçanti ato mjete që dikur i përkisnin policisë dhe ushtrisë.
Nga Afganistani, korrespondenti i BBC-së ka treguar se si po zhvillohet jeta në kryeqytetin e vendit, Kabul. Ai shprehet se trafiku është i rënduar dhe shumica e dyqaneve tashmë janë të mbyllura. “Kam parë disa gra në rrugë. Mbanin maska kundër COVID-19 dhe kokat i kishin të mbuluara”, ka shtuar gazetari i BBC-së.
Më tej ka theksuar se në asnjë rrugë apo lokal nuk dëgjon ndonjë televizori të hapur apo radio, e lërë më muzikë. Ai shprehet se në hotelin që dikur mbretëronte shpirti argëtues nën tingujt e muzikës së lindje së mesme, sot dukej sikur gjithçka ka vdekur. Korrespondenti i BBC-së është shprehur se qytetarët janë të frikësuar, pavarësisht se në një farë forme po mundohen të vahdojnë jetën normalisht, duke tentuar të besojnë se nuk po ndodh asgjë.
Kujtojmë se skena të tmerrshme kanë ardhur nga aeroporti i Kabulit, ku shihen shumë familje, fëmijë, të rinj të moshuar, duke bërë të pamundurën që të largohen nga vendi.
