Pavarësisht shfuqizimit të VKM-së për taksën e provimeve të mbartura, studentët vazhdojnë protestat e tyre. Ata thonë se s’do ndalojnë derisa të kenë një shkresë zyrtare me katër kërkesat që i kanë drejtuar Ministrisë së Arsimit, Sportit dhe Rinisë.
Sipas studentëve, plotësimi i kërkesës së parë ishte primar, por ata janë në pritje të plotësimit edhe të tre kërkesave të tjera dhe për këtë arsye do vijojnë protestat derisa të arrijnë qëllimin e tyre.
Ata gjithashtu kanë kërkuar:
Përgjysmimin e tarifës së studimit.
Përmirësim të kushteve të konvikteve.
Bordi i Administrimit të ketë numër të barabartë votash mes fakulteteve dhe Ministrisë së Arsimit, duke shtuar një përfaqësues nga studentët në bord.
Studentët nga të gjithë fakultetet po protesojne prej disa orësh tek godina e Ministrisë së Arsimit. Përveç Tiranës, protestohet edhe në Durrës, Elbasan dhe Korçë.
(Newsbomb)
