Rajmonda Tola së bashku me dy fëmijët e saj, Rudinën dhe Fatjonin, u gjetën të pajetë mëngjesin e sotëm, brenda shtëpisë së tyre në Ostren të Bulqizës.
Në media u raportua se shkak për vdekjen e tyre u bë rrejedhja e bombolës së gazit.
Mirëpo tashmë ka dalë në dritë një pistë e re.
Mjeku i zonës ka deklaruar se helmimi mund të ketë ardhur nga ushqimi, shkruan “Shqiptarja.com”.
Sipas tij, bombola e gazit ka qenë jashtë dhomës ku u gjetën të pajetë trupat, ndërsa dritaret kanë qenë të hapura.
“Dyshohet helmim nga ushqimi, pritet ekspertiza mjeko-ligjore”, mësohet të ketë thënë mjeku.
Trupat e pajetë u gjetën mëngjesin e sotëm nga kunata e viktimës, ndërsa dyshohet se Rajmonda me fëmijët kanë ndërruar jetë gjatë natës.
