Prokuroria e Rrethit Gjyqësor Krujë ka marrë nën hetimtre persona në lidhje me helmimin masiv të qytetarëve nga uji i pijshëm disa ditë më parë. Personat nën hetim kanë funskione zyrtare dhe vijojnë si më poshtë:
Ledio Çela Administrator i Ujësjellës Kanalizimeve Krujë; Andi Kupa Drejtues teknik; Ervin Karafili Shef i Shërbimit të Epidemologjisë dhe Higjenës Krujë
Ata dyshohen për kryerjen e veprës penale “Shpërdorim i Detyrës”, pasi me veprimet e tyre kanë lejuar ndotjen e ujit të pijshëm dhe për rrjedhojë edhe dëmtimin e shëndetit të qytetarëve të Krujës.
Të tre shtetasit po ashtu janë pezulluar edhe nga detyra.
Kujtojmë se qindra qytetarë u helmuan nga uji i pijshëm në Krujë dhe u paraqitën në spital me simptoma të tilla sit ë vjella, dhimbje barku, temperaturë etj.
Nga analizat rezultoi se në ujë kishte ngarkesë bakteriale të Escherichia Coli dhe Streptokokut Fekal.
Kujtojmë që bëhet fjalë për të njëjtin ujësjellës që kryeministri Edi Rama e kishte inauguruar në muajin mars gjatë fushatës elektorale dhe kishte deklaruar se uji ishte i sigurt, madje e kishte demonstruar edhe duke pirë vetë ujë. Por, muaj më vonë rezultoi se uji jo vetëm që nuk ishte i sigurt, por solli probleme edhe për shëndetin e banorëve.
