Kandidati për kryetar i Bashkisë së Këlcyrës së Përmetit ka mallkuar së fundi presidentin Ilir Meta. Ai është shprehur në një video e cila po bëhet virale se presidenti Ilir Meta është njeriu më i trashë në tërë vendin tonë.
Kasaj njihet në rrjetet sociale për shprehjen e tij “I raftë kanceri në grykë atyre që nuk më votojnë”. Këtë shprehje ai e ka thënë në vitin 2001 kur garonte për deputet.
E ndërsa tani që ka mallkuar presidentin Ilir Meta, ai ka thënë për të “inshallah të na vdesë”.
“Meta është njeriu më i trashë në tërë Republikën e Shqipërisë, njeriu më me pa kulturë. Ai duhet të më thërrasë mua për të zgjidhur. Ai ngatërroi vendin dhe veten e tij.
Nuk ka zgjedhjet do bëhen. Me Edi Ramën në krye zgjedhjet do bëhen, se ai është kryeministër. Sido që të jetë duhet ta respektosh, Nuk mund të thuash ik ti të vij unë. Presidenti më mirë, se është sëmurë siç e pashë në media para disa ditëve, ishalla na vdes”, është shprehur ai në një video që qarkullon në rrjetet sociale.
Ndërsa ditën e sotme socialistët kanë depozituar në Kuvend kërkesën për shkarkimin e Metës nga posti pasi anuloi dekretin për zgjedhjet e 30 qershorit.
