Kreu i Aleancës për Ardhmërinë e Kosovës(AAK), Ramush Haradinaj në kuadër të Ditës Ndërkombëtare të Lirisë së Shtypit, ka deklaruar se çdo ditë duhet të mbrojmë dhe mbështesim gazetarët dhe të respektojmë fjalën e lirë.
Nëpërmjet një reagimi në rrjetet sociale, Ramush Haradinaj ka shkruar se është obligim i shoqërisë në të cilën ne jetojmë, që të ruajmë dhe të avancojmë këtë segment të lirisë sonë që është gazetaria. Ai ka shtuar se çdo ditë duhet të jemi në krahë të medias për ti mbështetur dhe për të respektuar fjalën e lirë.
“Sot të gjithë̈ jemi gazetarë! Mbrojtja e gazetarëve dhe medies së lirë është̈ ndër parimet e panegociueshme dhe është obligim institucional e shoqëror ta ruajmë dhe avancojmë këtë segment të lirisë sonë! Sot, në Ditën Botërore të Lirisë së Shtypit, por edhe çdo ditë tjetër, jemi në krah të tyre, në mbrojtje e respekt të fjalës së lire”, -është shprehur Haradinaj.
Haradinaj ka thënë ndër të tjera se ai që mundohet të kërcënoj, shantazhojë, apo ushtron presione mbi gazetarët dhe mediat është i humbur, sepse sipas tij ka -përball një front të madh të bashkuar.
“Kushdo që kërcënon, shantazhon, ushtron presion dhe sulmon mbi medien e lirë, mbi demokracinë tonë, është i humbur, sepse ka përballë një front të madh të bashkuar”, ka përfunduar Haradinaj.
