Ish-ministri i Drejtësisë, Ylli Manjani ka reaguar rreth lajmit për hapjen e listave 100% në zgjedhje, një vendim ky i marrë nga Gjykata Kushtetuese. Manjani shkruan se nuk është profesionalisht korrekte të komentohet një vendim ende i paarsyetuar i Gjykatës. Ai thotë se deri tani është shfuqizuar pika 3 e nenit 163 të Kodit Zgjedhor. Por ai nen ka eehe 3 paragrafë të tjerë që nëse lexohen pa pikën 3, del që listat nuk janë të hapura 100%. Një tjetër gabim, shkruan Manjani, është tendenca për ta zbatuar këtë vendim në rezultatin e këtyre zgejdhjeve, sepse ende nuk dihet vullneti i Gjykatës për t’i dhënë fuqi prapavepruese vendimit të saj.
Postimi i plotë i Manjanit:
Në përgjigje të interesit të gazetarëve për çështjen e vendimit ende të paarsyetuar të Gjykatës Kushtetuese për nenin 163.3 të kodit Zgjedhor.
******
Nuk është profesionalisht korrekt të komentohet një vendim ende i pa arsyetuar i Gjykatës Kushtetuese.
Gabimi në koment mund të jetë shumë i madh nëse nisemi thjesht nga dispozitivi i vendimit.
Deri tani dimë se Gjykata ka shfuqizuar pikën 3 të nenit 163 të Kodit Zgjedhor. Por ai nen ka eehe 3 paragrafë të tjerë që nëse lexohen pa pikën 3, del që listat nuk janë të hapura 100%, siç nxitojnë komentuesit publike.
Përkundrazi heqja e pikës 3, I MBYLL listat me 100%.
Ja pra një gabim që bëhet nga leximi i cunguar.
Gabimi i dytë i madh është tendenca për ta zbatuar këtë vendim mbi rezultatin e këtyre zgjedhjeve. Është gabim ky arsyetim sepse ne nede nuk e dimë vullnetin e Gjykatës për ti dhënë apo jo fuqi prapavepruese vendimit të saj. Zakonisht vendimet e Gjykatës nuk kanë fuqi prapavepruese.
Ndaj të mos nxitohemi. Të presim zbardhjen e atij vendimi.
Përndryshe gabimet janë të pashmangshme.
Janë gabine që keqorientojnë opinionin publik, për fat të keq.
