Gazetari Lutfi Dervishi ka ironizuar ashpër nisjen e fushatës elektorale të Partisë Socialiste në Tiranë, duke vënë në pah sipas tij zbrazëtinë dhe mospërputhjen mes fjalimeve të drejtuesve socialistë dhe realitetit që përballen qytetarët pas 12 vitesh qeverisje.
Në një postim në Facebook, Dervishi përqeshi atë që ai e quajti “konkretësinë” e fjalimeve, duke thënë se u fol për gjithçka dhe njëherazi për asgjë. Ai vuri në dukje se në vend të një platforme të qartë dhe serioze për të ardhmen, fushata nisi me show, muzikë dhe zbrazëti, ndërkohë që vendi përballet me varfëri dhe probleme reale.
Gazetari listoi ironikisht temat që supozohej të trajtoheshin në ditën e parë të fushatës nga 12 drejtuesit e qarqeve, të cilët, siç thekson ai, kanë qenë në pushtet për 12 vite.
Postimi i plotë:
Sa mirë që në ditën e parë të fushatës, u fol konkretisht për tema që shqetësojnë njerëzit.
Te 12 drejtuesit e qarqeve që kanë 12 vjet që qeverisin folën vetëm për:
1. Çmimet/rrogat
2. Pensionet
3. Rrugët
4. Trenat
5. Emigrimin/Shpopullimin
6. Shëndetësia
7. Arsimi
8. Fermeret/subvencionet
9. Ujë
10 Siguria ushqimore
Sa konkrete që është kjo fushatë
