Qeveria deklaroi sot të hapur garën për aeroportin e Vlorës.
Ministrja e Infrastrukturës dhe Energjisë, Belinda Balluku, bëri me dije se kompanitë kanë kohë deri më 12 mars, për të prezantuar ofertat, ndërsa koncesioni do të zgjasë për 35 vite.
Pritet që punimet për ndërtimin e aeroportit të nisin në 31 maj të vitit të ardhshëm.
Sipas Klosit, ky projekt do të promovojë Shqipërinë turistike, si dhe do të zhvillojë ekonominë.
“Aeroporti i Vlorës, lajm i mirë për botën e turizmit. Ky projekt do të promovojë Shqipërinë turistike. Në maj fillojnë punimet për aeroportin e ri. Investimet në infrastrukturë janë më një rëndësi të madhe.Aeroporti, jo vetëm turistik, por edhe zhvillon ekonominë”, tha ministri Klosi.
Ndërkohë ministra e Ekonomisë dhe Financave, Anila Denaj, tha se projekti do të rrisë me 10% ekonominë e zonës, si dhe do të thithë investitorët e huaj.
“Ndikimi në ekonomi ka dy impakte të jashtëzkonshme, e para do të ketë ndikim në rritje në 10% për ekonominë e zonës, e dyta do të ndikojë në thithjen e investitorëve të huaj. Ne mendojmë se e gjithë kjo mundësi do të rivitalizojmë besimin e qytetarëve”, tha Denaj.
