Lufta në Ukrainë është në ditën e saj të 28-të, ndërkohë që është arritur marrëveshja për nëntë korridore humanitare.
Kjo marrëveshje bëhet në kuadër të evakuimit civilëve të bllokuar në qytetet e Ukrainës përmes nëntë korridoreve humanitare të mërkurën tha zëvendëskryeministrja ukrainase, Iryna Vereshchuk.
Duke sinjalizuar se nuk ishte arritur asnjë marrëveshje me Rusinë për të krijuar një korridor të sigurtë nga qendra e Mariupolit, ajo tha se njerëzit që dëshironin të largoheshin nga qyteti port i rrethuar do të gjenin transport në zonën e afërt të Berdyanskit. Me heret Zelenski tha se Rusia ka kapur nje autokolone humanitare ne afersi te Mariupolit, qytet ku sipas tij jane bllokuar 100 mije njerez.
Dje, 4,367 u larguan nga qyteti i rrethuar dhe u zhvendosën në Zaporizhzhia, vendndodhja e termocentralit më të madh bërthamor në Evropë.
Kujtojmë që lufta e Rusisë kundër Ukrainës, e cila filloi më 24 shkurt, është denoncuar ashpër nga komuniteti ndërkombëtar dhe ka shkaktuar sanksione dhe kontrolle të eksportit nga Perëndimi dhe aleatët. Pasojat ekonomike janë përkeqësuar nga një ikje e firmave globale nga Rusia.
Të paktën 925 civilë janë vrarë gjatë luftës dhe 1.496 janë plagosur, sipas të dhënave të OKB-së.
Megjithatë, OKB-ja paralajmëron se shifrat reale janë “dukshëm më të larta”. Ushtria ruse hodhi dy “bomba shumë të fuqishme” në qytetin ukrainas Mariupol, thanë autoritetet lokale, transmeton Anadolu Agency (AA).
