Prokuroria e Krimeve të Rënda ka realizuar ditën e sotme analizën vjetore të punës, ku edhe nuk kanë munguar replikat e forta.
Këtë herë protagonistët kanë qenë Besim Hajdarmetaj, ish-drejtuesit i këtij institucioni dhe Prokuroja e Përgjithshme, Arta Marku.
Hajdarmetaj ka thënë se ka qenë Marku ajo që ka shkatërruar shumë dosje të rëndësishme të zyrtarëve të lartë, ku nuk ka lënë pa përmendur edhe dosjen me nr. 339, të cilën e ka pasur nën hetim, por i është hequr nga duart sipas tij me vendim të kryeprokurores.
Ai ka kërkuar që Marku të përgjigjet për veprimet e saj, e mbi të gjitha për ata pushtetarë që janë pjesë e dosjes dhe që sot janë të lirë prej saj.
“Ju nuk keni bërë asgjë që kur keni marrë drejtimin e institucionit. Mburreni me rezultatet e punës të viteve 2016 – 2017. Ju dhe ata që punojnë për Ju këtu, shkatërruat shumë dosje të rëndësishme të zyrtarëve të lartë që sot duhet të ishin në burg. Duhet të tregoheni e përgjegjshme kur të sulmoni para mediave Prokurorinë e Krimeve të Rënda”, ka thënë Hajdarmataj gjatë analizës së punës të Prokurorisë së Krimeve të Rënda.
