Pas përfundimit të mbledhjes së Këshillit Politik ditën e sotme, deputetja dhe përfaqësuesja e opozitës parlamentare Rudina Hajdari doli në një deklaratë për mediat.
Hajdari u shpreh e lumtur pëe faktin që tani janë 3 palë që mbështesin hapjen e listave, pasi në këtë mënyrë sigurohet iniciative ligjore për hapjen e tyre në Kuvend.
Më tej deputetja Hajdari tha se i qëndron vendimit për hapjen e listave në nivelin 100% dhe se tani hapja e tyre është realitet për shqiptarët.
Kujtojmë se Hajdari është nga nismëtaret dhe propozueset e para të hapjes së listave, ndërkohë që nuk harroi të falenderonte Bashën dhe opozitën për këtë vendim.
“Pra tani kemi 3 pozicione të cilat janë pro listave të hapura. Tashmë kemi dhe iniciativë ligjore në Kuvendin e Shqipërisë që garanton hapjen e listave. Ne i kemi qendruar qendrimit tonë, dhe i qendrojmë ende, që listat të hapen 100%. Përsa i përket listave të hapura, tashmë ato janë realitet për Shqipërinë dhe shqiptarët. Më në fund PD pas shumë thirrjesh, erdhën te qendrimi ynë dhe u bashkuan te kjo kauzë. Dhe një herë faleminderit shumë për të gjitha këto përpjekje që kemi ndërmarrë së bashku. Është fakt që kemi 3 palë që po mbështesin plotësisht listat e hapura prandaj të shikojmë se si do ecim përpara, por tani jam shumë e lumtur për këtë”.
