Shqipëria gjendet në një moment të vështirë dhe Komisioneri Evropian për Negocimet Evropiane të Fqinjësisë dhe Zgjerimit, Johannes Hahn ka bërë një deklaratë të rëndësishme nga takimi me Kryeministrin e Maqedonisë Veriore, Zoran Zaev.
Hahn është shprehur se qytetarët janë në gjithë të drejtën e tyre për të protestuar dhe për të shprehur të lirë mendimin e tyre në Ballkanin Perëndimor, ndërkohë që dënon me forcë të gjitha format e mundshme të dhunës, duke i quajtur absolutisht të papranueshme.
Ai ka thënë dhuna është e patolerueshme dhe Bashkimi Evropian ka politika të rrepta në lidhje me këtë fenomen.
“Ka njerëz që duan që ne të detyrojmë vendosjen e sundimit të ligjit me idenë se mund të hyjmë në një vend dhe të zëvendësojmë autoritetet” duke përdorur forcën ushtarake, u tha gazetarëve në Bruksel Hahn, duke shtuar se pikëpamja e BE për sundimin e ligjit është transparenca, demokracia dhe mbrojtja e gjyqësorit.
Sipas Hahn, rajoni duhet të shohë ndryshime politike të bazuara në procesin demokratik dhe zgjedhjet e lira dhe transparente. “Kjo është ajo që ne mbështesim, por besimi se ne duhet të arbitrojme, të themi se kush është i mirë dhe i keq, apo se kush duhet të largohet dhe kush duhet të vije në pushtet nuk është aspak pikëpamja jonë”, deklaroi komisioneri Hahn.
