Sulmet kibernetike në Internet që synojnë qeveritë dhe organizatat e tjera në Evropë dhe Lindjen e Mesme dyshohet se janë vepër e hackerave që veprojnë në interes të qeverisë turke.
Të paktën, kështu shkruan në artikullin e saj prestigjiozja “Reuteurs“.
Pré e këtyre sulmeve ka rënë Greqia, Qipro, Iraku, si dhe shteti shqiptar.
Sipas të dhënave të siguruara prej tyre, janë sulmuar 30 organizata duke përfshirë ministritë, ambasadat dhe shërbimet e sigurisë, si dhe kompanitë dhe grupet e tjera.
Këto sulme kanë filluar që në vitin 2018.
Megjithatë, siç bëhet me dije në artikull, Shërbimi Informativ i Shtetit Shqiptar ka deklaruar se sulmet nuk kanë shkaktuar ndonjë problem lidhur me informacionet e klasifikuara si “sekret shtetëror”.
Nuk dihet ende se cilët persona fshihen pas kësaj.
Ai që ngre dyshime është fakti se të gjithë sulmet përdornin të njëjtat servera.
Kjo cilësohet si një shenjë se sulmet janë urdhëruar nga qeveria.
Nga ana tjetër, vetë Turqia nuk ka reaguar rreth këtyre akuzave.
Disa zyrtarë turk kanë deklaruar se Turqia është sulmuar edhe vetë nga hackerat, duke mohuar kështu zërat.
