Kryeministri kanadez Justin Trudeau do të vetëkarantinohet për 14 ditë, pasi gruaja e tij, Sophie Gregoire Trudeau, është prekur nga koronavirusi.
Zyra e Trudeau bëri me dije, se gruaja e kryeministrit ka simptoma të lehta dhe ndihet mirë, por do të qëndrojë e izoluar për 14 ditë.
Ajo shfaqi simptoma të një gripi të lehtë gjatë një fjalimi në Mbretërinë e Bashkuar.
“Kryeministri është mirë dhe nuk ka simptoma. Ai do të marrë masa paraprake dhe do të ndjekë këshillat e doktorëve, për këtë arsye do të jetë në izolim për 14 ditë”, tha zyra e Trudeau.
Ai nuk do të testohet derisa të shfaqë ndonjë simptimë, ndërsa do të vazhdojë detyrën.
Doktorët shprehen se nuk ka rrezik për ata që kanë qenë në kontakt me të së fundmi.
Gruaja e kryeministrit falenderoi të gjithë ata që u interesuan për të.
Kanadaja numëron 147 raste de 1 të vdekur nga koronavirusi.
Dy ditë më parë OBSH e shpalli koronavirusin pandemi globale.
