Greqia vendos forca ushtarake për herë të parë në dy ishuj të vegjël grekë që më parë nuk kishin asnjë rol ushtarak. Ishujt Gavdos dhe Othonoi po forcohen me posta ushtarake për shkak të përshkallëzimit të provokimit turk në Mesdheun Lindor, njoftoi gazeta greke Ta Nea.
Sipas raportit, Ushtria Greke krijoi një post në Gavdos në verë, duke fituar një prani të përhershme ushtarake për herë të parë në një nga pikat më në jug dhe të izoluara të Greqisë.
Gavdos ka një post prej 9 ushtarakësh që u krijua në vetëm një javë pas një urdhri nga gjeneral-lejtnant Charalambos Lalousis, në mes të krizës së parë greko-turke.
Lajmi njoftohet nga gazeta greke “Ta Nea”. Duke cituar burime të saj, kjo gazetë thotë se vendosja e pranisë së përhershme ushtarake në këtë zonë, edhe pse vendi nuk ndjehet i kërcënuar ashtu si në Lindje nga Turqia, është pjesë e strategjisë së re të Ministrisë së Mbrojtjes.
“Ta Nea” thotë se puna për të vendosur postën ushtarake në këtë ishull ka nisur edhe si kërkesë e vazhdueshme e 400 banorëve të tij.
“Posta ushtarake në Othonoi mund të vëzhgojë veprimet turke nëse vendosin të hapin një front të ri detar kundër Greqisë jashtë Egjeut dhe në ujërat përreth Kretës, veçanërisht pasi Greqia është në procesin e zgjerimit të territorit të saj detar nga 6 milje detare në 12 milje”, tregon artikulli mbi synimet ushtarake greke.
