Prej disa muajsh ka shtrënguar masat e sigurisë dhe madje mban të mbyllur edhe kufijtë me vendet fqinje, përfshi Shqipërinë, por duket se as kjo masë nuk e ka shpëtuar Greqinë nga koronavirusi.
Në shtetin helen është shënuar një rritje të lartë rastesh, aq sa mediat fqinje e kanë cilësuar si një ‘shpërthim’ të COVID-19 në gjithë vendin.
408 raste u regjistruan në 24 orët e fundit, më shumë se 100 më tepër se një ditë më parë.
45 prej rasteve të reja u pikasën nga testimet në portat hyrëse për në Greqi, kurse 58 të tjerë i përkisnin kontakteve tv rasteve të mëparshme.
Po ashtu, edhe 6 vdekje të tjera janë shënuar sot nga COVID-19, duke e çuar totalin në Greqi në 462 viktima.
/Burimi: BBC/ GazetaReforma.com/
