Detaje të reja na vijnë nga rrëfimi i Alkond Bengasit, i cili ka pranuar që të rrëfehet para policisë.
Bengasi tashmë e ka pranuar rolin e tij, ku është marrë me modifikimin e fugonit që u përdor për grabitjen, ndërkohë që ka thënë se ai dhe Klement Çela kanë lidhje gjaku me njëri- tjetrin.
Ai ka folur për takimin e parë që ka pasur me kushuririn e tij dhe Admir Muratajn dhe si i kanë kërkuar që të bënte një gjë të tillë.
“Kontaktin e parë e kam pasur me kushërinjtë e mi Klement dhe Eldi Çala. Duke qënë se unë punoja në një servis ata më kërkuan t’i shoqëroja në Kavajë ku do të merrnim një furgon. Fillimisht nuk pranova sepse kam pasur fëmijën sëmurë dhe nuk doja të largohesha nga Elbasani”, është shprehur ai.
Bengasi rrëfen se përveç Muratajt ka takuar edhe dy kosovarë, të cilët i kanë sjellë fugonët për modifikim.
“… Por më pas pranova dhe shkuam të 3 tek Shkëmbi i Kavajës. Aty na prisnin 3 persona për drekë. Një u prezantua si Admir Murataj i cili ishte në shoqërinë e 2 personave nga Kosova. Një prej tyre e therrisnin “daja” ndërsa tjetrin “Tani”. Pasi hëngrën drekë, morëm furgonat Shevrioletë, të cilët unë më pas i modifikova. Më vonë mësova se mjetet do të përdoreshin për grabitje”, ka dëshmuar Alkond Bengasi.
