Ndërkohë që Prokuroria po vijon me hetimet për grabitjen e 9 prillit të ndodhur në pistën e të vetmit aeroport në vend. Burimet nga “balkanweb” sigurojnë foton e një prej të arrestuarëve, i cili tashmë është kthyer në bashkëpunëtor të drejtësisë.
Personi në foto është Alkond Bengasi, i cili u arrestua një ditë më parë nga policia ndërsa sot, Gjykata e Krimeve të Rënda dha masën “arrest me burg.”
Alkond Bengasi është kushëri me Klement Çalën, i njohur si ‘mjeshtër’ i grabitjeve, i shpallur në kërkim nga policia. Bengasi ka pranuar të bashkëpunojë me drejtësinë, duke zbërthyer të gjithë skemën e e grabitjes në Rinas, ndërsa ka nxjerrë edhe emrat e autorëve.
Ai ka pranuar ndër të tjera se është ai personi që ka modifikuar furgonin me mbishkrimin “Hetimi Tatimor” që u përdor për grabitjen.
