Gjykata e Krimeve të Rënda ka dhënë masën “arrest me burg” për tre nga të arrestuarit e grabitjes në Rinas. Gjykata ka dhënë masën “arrest me burg” për Renaldo Sulën, Saimir Çelën dhe Oltion Veselin.
Një ditë më parë gjykata vendosi masën ‘arrest me burg’ për Alkond Bengasin i cili pranoi të bashkëpunojë me drejtësinë duke pohuar se ka qenë ai që ka modifikuar furgonin me mbishkrimin ‘Hetimi Tatimor’.
Bengasit i është dhënë statusi i bashkëpunëtorit të drejtësisë në këmbim të informacioneve të vlefshme për zbardhjen e ngjarjes.
Tre të arrestuarit, janë dëgjuar për më shumë se dy orë nga gjykata, e cila pavarësisht pretendimeve të avokatëve mbrojtjës, se nuk kishin lidhje me ngjarjen, i ka besuar provave të mbledhura nga grupi hetimor.
Deri më tani janë 5 të arrestuarit për grabitjen dhe Admir Murataj i vrarë.
Ndërsa hetimet vijojnë flitet edhe për të paktën katër persona, mes tyre edhe një femër të përfshirë në ngjarje.
