Detaje të reja janë bërë publike ditën e sotme nga grabitja spektakolare e Rinasit, ku sa më shumë kohë kalon aq më shumë persona të përfshirë dalin.
Ka qenë Shqiptarja.com ajo që ka nxjerrë telefonanat që grabitësit kanë bërë, ku dyshohet se një person i gjashtë qëndronte në parkingun e aeroportit dhe koordinonte gjithë lëvizjet si brenda ashtu edhe jashtë territorit.
Tashmë policia është bërë gjithë verifikimet e duhura, mirëpo nuk ka mundur ende që të identifikojnë personin, kjo sepse të dy numrat e përdorur kanë qenë të blerë në treg të zi dhe sigurisht me idenitet fals.
Nga investigimet është zbuluar se numrat janë blerë në emër të dy të moshuarve, të cilët janë verifikuar dhe nuk kanë asnjë lidhje me grabitjen.
Sipas Shqiptarja.com, kanë qenë disa fjalë “Po lëviz Policia”, që i është drejtuar grupit, në mënyrë që këta të fundit të lëviznin më shpejt.
Nga analizimi i qelizave telefonike, policia ka dal në përfundimin se kjo telefonatë është realizuar nga numri i personit në kërkim drejt telefonit të grupit dhe është fiksuar nga antenat që ndodhen pranë aeroportit, çka ka bindur hetuesit se ai ka ndjekur dhe koordinuar veprimet. Ndërkohë që nga të dy numrat e telefonit, hetuesit kanë rigjeneruar vetëm këto biseda dhe nuk rezulton që këto telefona të jenë përdorur më parë.
Grabitja e 5.7 milionë eurove në Aeroportin e Rinasit ka ndodhur në 9 prill dhe dëri më tani 5 persona janë në “arrest me burg” si pjesëmarrës.
