Komisariati i Policisë Nr. 6 ka finalizuar operacionin e koduar “The End”, duke arrestuar 29-vjeçarin Endri Novi, banues në Tepelenë, i dyshuar për vjedhjen e sendeve personale nga automjetet.
Novi dyshohet se ka kryer vjedhje në 12 automjete gjatë 48 orëve të fundit, duke shkatërruar xhamat për të marrë sendet personale të pronarëve të automjeteve.
Operacioni ka nisur pas disa denoncimeve nga qytetarët, dhe falë analizës informative, u bë e mundur kapja e tij.
Një rast i veçantë ndodhi mbrëmjen e djeshme në Astir, ku ai dyshohet të ketë vjedhur 6 automjete të tjera, duke përdorur mjete të forta për të thyer xhamat.
