Një grabitje ka ndodhur pasditen e sotme te Komuna e Parisit.
Sipas informacioneve paraprake, është vjedhur institucioni financiar NOA.
Autori nuk është kapur ende, ndonëse policia tashmë ndodhet në vendngjarje.
Raportohet se gjatë vjedhjes ai ka qenë i maskuar me një kapuç dhe mbante në dorë një levë.
Ai ka marrë një sasi parash prej rreth 50 mijë lekë të reja dhe është larguar me vrap.
Në ndjekje të tij janë vënë forcat ‘Shqiponja’.
Njoftimi i policisë
Rreth orës 18:07, në rrugën “Medar Shtylla”, në një zyrë që i përket një institucioni financiar për kredidhënie në shuma të vogla, një person ende i paidentifikuar dhe i pa armatosur, ka marrë një sasi parash rreth 50 mijë lekë të reja dhe është larguar me vrap. Në ndjekje të autorit janë vënë shërbimet e Policisë “Shqiponjat”, Patrulla e Përgjithshme dhe Forca e Posaçme Operacionale e DVP Tiranë. Grupi hetimor po punon për identifikimin dhe kapjen e autorit.
