Rreth orës 4 të mëngjesit të sotëm, një fugon mallrash u grabit nga 3 persona të paidentifikuar. Policia e Krujës ka dhënë detaje të reja për grabitjen e furgonit të mallrave, te rrethrrotullimi i Thumanës. Në njoftimin zyrtar, tre persona kanë kërcënuar me sende të forta shoferin 62-vjeçar me iniciale F.B., si dhe i kanë marrë furgonin e mallrave që transportonte banane. Mjeti i marrë është gjetur disa orë më pas në Laç.
Njoftimi i plotë i Policisë së Laçit:
“Më datë 30.06.2021, rreth orës 03:45, është paraqitur në ambientet e Policisë shtetasi F. B., 62 vjeç, banues në Tiranë, i cili deklaron se në Thumanë, tre persona ende të paidentifikuar duke e kërcënuar me sende të forta i kanë marrë furgonin e mallrave që transportonte banane.
Shërbimet e Policisë menjëherë pas marrjes së informacionit kanë orgaizuar punën ku gjatë krehejs së zonës kanë bërë të mundur gjetjen e mjetit në Kurbin. Në ambientet e Policisë janë shoqëruar disa persona të cilët mund të kenë dijeni për ngjarjen si dhe janë sekuestruar pamjet filmike për zbardhjen e plotë të ngjarjes”.
Për rastin në fjalë, janë shoqëruar disa persona në komisariat, që mund të kenë dijeni për ngjarjen, si dhe janë sekuestruar pamjet filmike që do të lehtësojnë zbardhjen e plotë të ngjarjes.
