Një grabitje me armë ka ndodhur mbrëmjen e sotme në afërsi të qendrës së Tiranës. Ngjarja ka ndodhur në afërsi të shkollës “Sami Frashëri”, në rrugën “Bardhok Biba”, teksa mësohet se një person i maskuar ka marrë xhiron ditore duke kërcënuar farmacisten me armë.
Në një video të publikuar nga Balkan Ëeb, duket autori i veshur me një bluzë sportive gri dhe me maskë të zezë. Pas grabitjes ai largohet u qetë nga farmacia pasi kishte marrë sasinë e parave.
Policia është vënë në ndjekje të autorit, teksa janë ngritur pika të shumta kontrolli.
Policia është vënë në ndjekje të autorit dhe ka ngritur pika kontrolli. Ka dyshime se autori mund të ketë kryer grabitje të tjera gjatë këtij muaji në një institucion financiar dhe një farmaci tjetër
Informacion paraprak nga policia:
Më datë 26.01.2021, rreth orës 20:13, në rrugën “Bardhok Biba”, një person ende i paidentifikuar dyshohet se nën kërcënimin e armës ka vjedhur në një farmaci.
Shërbimet e Policisë menjëherë kanë ngritur pika kontrolli dhe po bëhet krehja e zonës në afërsi të vendit të ngjarjes me sherbime të shtuara.
Grupi hetimor ndodhet në vendngjarje dhe po punon për fiksimin e çdo prove që do çojë në identifikimin dhe kapjen e autorit.
https://youtu.be/wfhKCt-tqAo
