21-vjeçari Kristi Çinari autori i grabitjes së institucionit financiar Kredo.al, tri ditë më parë në Tiranë, dyshohet se mund të jetë autori i grabitjes së mbrëmshme në një farmaci.
Sipas burimeve nga policia, mënyra e grabitjes është e ngjashme me dy të tjerat. Në brendësi të farmacisë ai ka hyrë vetëm, ndërkaq nuk dihet nëse ka patur persona të tjerë që e kanë pritur jashtë. Deri tani dyshohet se ka marrë një shumë prej rreth 20 mijë lekësh.
Policia ka marrë pamjet e kamerave të sigurisë së farmacisë dhe po ashtu të bizneseve në afërsi për të zbardhur ngjarjen. Ai është kapur nga kamerat e farmacisë dhe duket se ka qenë i maskuar. Përballë tij ndodhet farmacistja e cila duket e tmerruar pasi është strukur dhe ka mbledhur duart nga frika.
Megjithëse ishin ngritur pika kontrolli në disa zona kyçe dhe në hyrje-dalje të Tiranës, si pasojë e errësirës grabitësi ka mundur të largohet me shpejtësi në mes të rrugicave. Ende nuk ka detaje të tjera, por policia ndodhet në vendin e ngjarjes.
Kristi Çinari, 21-vjeçari, i cili është autori i dyshuar i disa grabitjeve në Tiranë, reklamon jetën e tij në në Facebook. Ai poston foto të parave, armëve e makinave luksoze. Këto të fundit nuk janë në pronësi të tij.
Çinari është autor i dyshuar i grabitjes së institucionit financiar Kredo.al , 4 ditë më parë si dhe të vjedhjes së dy farmacive, një në vitin 2017 dhe një mbrëmjen e djeshme në kryeqytet. /Gazetareforma.com/
