Dy të rinj shqiptarë janë arrestuar ditën e sotme nga policia italiane. Ata akuzohen se kanë kryer një sërë grabitjesh në zonën e Bolonjës.
Falë operacionit policor “Kusarët”, është bërë i mundur arrestimi i një 29 dhe 24-vjeçari.
Dy të rinjtë madje kishin mundur të vidhnin edhe një pikë karburanti, nga i cili kishin marrë një shumë të madhe parash në datën 8 korrik të këtij viti. Në datat 12 dhe 16 gusht, të po këtij viti, ata e kanë grabitur sërish këtë karburant. Dy të rinjtë kanë arritur të grabisin 4 mijë euro nga ky biznes.
Gjatë kësaj grabitjeje ka pasur të shtëna dhe ndaj karabinierët rrethuan menjëherë zonën dhe nisën hetimet.
Njëri nga dy të rinjtë është me dokumente të rregullta italiane, ndërsa personi tjetër nuk kishte shumë kohë që kishte ardhur në Itali. Policia është vënë në kërkim edhe të një personi të tretë, pasi kanë zbardhur skemën e plotë të grabitjeve të kryera nga shqiptarët.
Në mediat italiane shkruhet se karabinierët e organizuan këtë operacion, duke analizuar edhe pikat që kanë vjedhur më parë shqiptarët, duke bërë të mundur dhe arrestimin e tyre.
