Katër shqiptarë kanë rënë në prangat e policisë italiane mbrëmjen e djeshme në Moderna pasi kanë grabitur një grup turistësh. Mësohet se Qendra e Operacionit ka marrë një telefonatë rreth orës 11:00, nga një grup turistësh të cilët i thane policisë se disa të rinj i janë afruar dhe i kanë grabitur me dhunë. Mësohet se turistët që ranë pre e grabitjes ishin nga Bolonja.
Mediat italiane shkruajnë se ata u kanë dalë përpara turistëve dhe nën kërcënimin e armëve u kanë marrë të gjitha sendet me vlerë, gjithashtu i kanë detyruar të dorëzojnë celularët dhe një portofol që kishte 40,00 euro, dhe më pas u zhdukën në drejtim të plazhit.
Menjëherë policia arriti ta identifikonte grupin dhe u vu në ndjekje të tyre , ku pas disa orësh arritën ti kapnin. Edhe pse disa prej tyre kanë tentuar të zhduken në grupin e njerëzve që lëviznin në atë zonë nuk ja kanë dalë dot. Policët identifikuan anëtarët e grupit të cilët ishin katër shqiptarë dhe një shtetas serb, nga të cilët 3 ishin të mitur. Gjithashtu në çantën e shpinës që ata mbanin, policia kishte sekuestruar, disa mjete që shërbenin për të hapur dyertë dhe mjete të tjera të cilat do t’iu shërbenin për vjedhjen e radhës.
