Tirana fiton mes polemikave përballë Kukësit.
Bardheblutë triumfuan 1-0 kundër Kukësit të vendit të dytë, falë golit të Kristal Abazajt dy minuta përpara fundit. Pjesa e parë dhuroi pak emocione teksa sfida ishte e balancuar si me rastet, tentativat për gol por edhe kartonët. Ndërsa në pjesën e dytë ndryshoi gjithçka. Në minutën e 68′ Kukësi pretendoi për një penallti por arbitri Ferataj ua mohoi edhe pas rishikimit në VAR. Më pas verilindorët patën mundësinë për të kaluar në avantazh, por ishin të pafatë. Adetola dhe Solodovnikov goditën të dy traversën.
Në momentin e tyre më të mirë u ndëshkuan nga Kristal Abazaj i cili gjeti golin e vetëm të sfidës në të 88-ën.
Me këtë fitore, Tirana ngjitet në vendin e 4-të me 43 pikë.
