Në raportimin e tij vjetor për vitin 2024, Altin Dumani kërkoi që prokurorëve të SPAK të u jepet mundësia të rikandidojnë për një mandat tjetër pas përfundimit të periudhës 9-vjeçare.
Ai theksoi gjithashtu se prokurorët e SPAK janë të kërcënuar nga krimi i organizuar dhe se rastet e kërcënimit janë bërë gjithnjë e më të shpeshta dhe shqetësuese.
Dumani shtoi se Këshilli i Lartë i Prokurorisë do të vlerësojë performancën e prokurorëve gjatë mandatit dhe do të vendosë nëse ata meritojnë një mundësi për një mandat tjetër.
“Në mbarim të mandatit 9-vjeçar, prokurorëve të SPAK t’u jepet mundësia për të rikandiduar së bashku me Prokurorët e Juridiksionit të Përgjithshëm që duan të bëhen pjesë e SPAK. Në këtë mënyrë vlerësojmë se realizohet edhe rinovimi i kolektivit të SPAK, por bëhet e mundur edhe vijimësia e veprimtarisë së institucionit. Përmes kësaj formule, prokurët e SPAK të kenë mundësi të rikandidojnë, t’u thuhet nëse nuk mund të vazhdoni më tej sepse në vlerësimin e këshillit performanca juaj gjatë këtyre 9 viteve nuk është e tillë sa të japë një mundësi të dytë. Të kenë mundësi që në përfundim të mandatit 9-vjeçar të atashohen pranë Prokurorisë së Apelit. Unë jam për variantin e parë që prokurorët e posaçëm në përfundimin e mandatit t’u jepet mundësia për rikandidim për një mandat tjetër në SPAK. Të rikandidojnë, jo riemërim“, u shpreh Dumani.
