Policia e Tiranës ka zhvilluar një aksion për të goditur një grup kriminal që merrej me shitjen e armëve të zjarrit.
Si pasojë e këtij aksioni, janë arrestuar shtetasit Fatjon Kodra dhe Elton Kaci, ndërsa janë shpallur në kërkim Florjan Aliu dhe Enea Zira.
Gjatë operacionit, janë sekuestruar 3 armë zjarri kallashnikov, 2 pistoleta dhe municion luftarak, të cilat dyshohet se ishin destinuar për t’u shitur në Tiranë dhe Krujë. Grupi kriminal dyshohet se ka operuar në Tiranë, Fushë Krujë dhe Thumanë.
Policia ka ndërmarrë veprime të intensifikuara hetimore dhe operacionet për kapjen e të dyshuarve të shpallur në kërkim vazhdojnë.
Materialet do t’i kalojnë Prokurorisë për procedura të mëtejshme.
