Operacioni policor i koduar “Labirinti”, i realizuar pas gjashtë muajsh hetimesh, ka çuar në arrestimin e 11 personave dhe shpalljen në kërkim të 2 të tjerëve, të dyshuar për trafikun dhe shitjen e drogës në Vlorë dhe Fier. Hetimet, të udhëhoqura nga Sektori për Hetimin e Narkotikëve i DVP Vlorë dhe Prokuroria e Vlorës, kanë zbuluar një grup kriminal që vepronte në bashkëpunim për të shpërndarë doza të kanabisit dhe drogës të forta në këto dy qytete.
Në kuadër të operacionit, janë arrestuar:
F.O, 34 vjeç,
J.B, 25 vjeç,
D.Gj, 24 vjeç,
A.O, 32 vjeç,
E.Sh, 42 vjeç,
I.H, 29 vjeç,
N.H, 33 vjeç, banues në Tepelenë,
K.Xh, banues në Tiranë,
E.K, 18 vjeç,
E.K, 21 vjeç,
A.H, 54 vjeç.
Po ashtu, janë shpallur në kërkim dy shtetas: F.K. dhe A.G.
Gjatë operacionit është arrestuar gjithashtu një 17-vjeçar, i cili u kap në flagrancë me doza kanabisi në banesën e tij.
Sipas hetimeve, grupi shiste drogë në mënyrë të organizuar dhe kishte kontakte me persona të ndryshëm në rajonin e Vlorës dhe Fierit.
Gjatë kontrollit në banesat e tyre, janë gjetur prova të mëtejshme që lidhin këta individë me prodhimin dhe shitjen e drogës.
Prokuroria ka marrë në dorë hetimet dhe ka shpallur në kërkim dy shtetas, ndërkohë që vijon puna për kapjen e tyre.
Materialet janë dërguar për veprime të mëtejshme ligjore.
