Ditën e sotme në orën 15:00 vëzhguesit ndërkombëtarë të zgjedhjeve vendore në Tiranë mbajtën një konferencë mbi mbi mbajtjen e procesit zgjedhor në 30 qershor.
Kreu i misionit të OSBE /ODIHR në Tiranë, Audrey Glover, tha gjatë raportit paraprak mbi zgjedhjet vendore tha se ato u mbajtën pa marrë shumë parasysh interesat e elektoratit.
“Opozita vendosi të mos marrë pjesë, ndërsa Qeveria ishte e vendosur që t’i mbajtur ato pa opozitën. Në një klimë të ngërçit politik, votuesit nuk patën mundësi reale për të zgjedhur mes alternativave. Në 31 nga 61 bashki, kandidatët për kryetarë garuan pa kundërshtar.
Dhe pati pretendime të besueshme nga qytetarët se ishin në presion nga të dyja palët. Përplasjet politike çuan në pasiguri politike. Pozitiv ishte fakti që procesi i votimit u zhvillua përgjithësisht në mënyrë të qetë dhe paqësore”, tha Glover.
Glover tha se shqiptarët janë bërë konfuzë dhe se shqetësime ka pasur në të gjithë vendin, e kjo nga dekretet e presidentit Meta dhe kundërshimi i këtyre dekreteve nga kryeministri Edi Rama.
Glover madje ka ngritur disa pikëpyetje se përse bëhen zgjedhjet, për politikanët apo votuesit? Sipas saj votuesit duhet të votojnë lirshëm për kandidatin që duhet ta zgjedhin pa asnjë lloj presioni.
“Popullatës iu duk konfuze dhe ka pasur shqetësime në të gjithë vendin. Më lejoni t’ju bëj një pyetje? Për kë bëhen zgjedhjet? Për politikanët apo votuesit? Jam e bindur se në zgjedhje, pjesëmarrësi më i rëndësishëm është votuesi. Votuesit duhet të jenë në gjendje të votojnë lirshëm për kandidatin që zgjedhin dhe pa asnjë lloj presioni.
Ajo kritikoi edhe Komisionin Qendror të Zgjedhjeve. “Tërheqja e partive të opozitës kufizoi në mënyrë të konsiderueshme mundësinë e votuesve për të zgjedhur. KQZ e interpretoi në mënyrë kreative ligjin dhe nuk ishte gjithmonë transparente në publikimin e vendimeve të saj”, tha Glover.
Këto ishin zgjedhjet e 14-ta që OSBE / ODIHR vëzhgon Shqipëri. Misioni për këtë vit nisi më 23 maj, me në total 126 vëzhgues.
