Në kulmin e “lock-down-it”, kur i gjithë vendi po vuan masat e shtrëngimit prej koronavirusit, një gjykatë në Gjermani ka marrë një vendim që mund të ketë një ndikim të gjerë në mbarë vendin.
Sipas gazetës më të madhe gjermane “BILD”, Gjykata Administrative e Dyseldorfit vendosi se, mbajtja e maskës me detyrim, sidomos në ambiente të hapura, është e paligjshme.
Vendimi u mor të hënën në një procedurë urgjente, ku Gjykata i “theu hundët” qeverisë federale që ka aprovuar dhe diktuar masat shtrënguese, përfshi edhe mbajtjen e maskave me detyrim në të gjitha ambientet.
Padia ishte bërë nga arkitekti 68-vjeçar, Johannes Engelhardt, një hebreo-gjerman.
“Nuk besoj te efektshmëria e maskës. Edhe virologët e kanë vënë në dyshim, duke thënë se nuk na mbron. Për këtë arsye shkova në gjykatë”,- tha arkitekti.
Nisur edhe nga qëndrimi që ka mbajtur juria qytetare e trupit gjykues, duket sikur kallëzimi i Engelhardt, është bërë jo personal por si një “referendum” qytetar.
“E bëra padinë në emër të shumë qytetarëve dhe pres që qyteti të marr vendim për të hequr kërkesën për mbajtjen e maskës”,- tha ai.
Kurse avokati i tij tha se, ky vendim është edhe për qytetet e tjera dhe për politikanët, pasi u tregon se nuk mund të bëjnë çfarë të duan.
Ndërkohë qytetarët në shumë qytete të Gjermanisë, jo vetëm që nuk janë bindur me shumë nga masat shtrënguese të qeverisë federale dhe të kancelieres Merkel, por vijojnë të protestojnë në forma të ndryshme.
Një nga kërkesat e tyre në shumë qytete, është heqja e tabelave detyruese ose e simbolikave të tjera që janë vendosur në ambiente publike dhe që kujtojnë shenjat e pandemisë.
Kjo gjë edhe kërkuar nën arsyetimin se “i streson shumë qytetarët dhe krijon një atmosferë të pakëndshme”, në një kohë që Gjermania tani ka hyrë dhe në klimën e festave të fund-vitit.
/Burimi: BILD/ Përshtati: GazetaReforma.com/
