Ish-kryebashkiaku i Vorës, Agim Kajmaku, u arratis pasi Prokuroria vërtetoi se ai kishte fshehur dënimin që kishte marrë në Greqi.
Ishte opozita, ajo që fillimisht denoncoi Kajmakun, por ky i fundit mohoi akuzat.
Ditën e sotme u zhvillua seanca e radhës gjyqësor, ku fillimisht u përfol se vendimi ndaj Kajmakut do zbutej.
Por, gjykata shtyu seancën për shqyrtimin e masës së sigurisë për ish-kryebashkiakun e Vorës.
Seanca e radhës do të mbahet më 27 janar ora 10:00.
Gjithashtu, raportohet se tashmë Kajmaku ndodhet në listën e të kërkuarve të Policisë dhe emri u është dërguar edhe njësive ligjzbatuese në Evropë.
Kajmaku akuzohet nga prokuroria për tri vepra penale “Shpërdorim detyre”, “Falsifikimi i formularëve” dhe “Ushtrimi i funksioneve pas dhënies fund të detyrës”.
