Ditën e sotme do të zhvillohej një seancë pajtimi në lidhje me padinë që deputetja e Partisë Demokratike, Grida Duma kishte bërë ndaj kryebashkiakut Erion Veliaj, por kjo seancë u shty.
Nga Gjykata e Posaçme, Grida Duma ka dhënë një prononcim për mediat, ku dhe ka konfirmuar se gjyqi është shtyrë me kërkesë të kreut të Bashkisë, Erion Veliaj. Duma është shprehur ndër të tjera se e vërteta duhet të kthehet në një institucion. Gjithashtu ajo ka theksuar se do të vazhdoj të paraqitet në seancatqë do të zhvillohen pasi nuk ka dhënë dakordësi për pajtimin me kryebashkiakun.
“Nuk ka për t’u paraqitur, se përballja me të vërtetën e ka të vështirë. Do të vijojë nuk dhamë dakordësi për pajtimin. Ju bëj me dije se nuk është më çështja ime personale, herë pas here është politike. E vërteta duhet të kthehet në institucion. Gënjejmë, premtojmë, japim mashtrime dhe ia mpimë shqisat të gjithëve se çdo gjë e gënjeshtërt fiton në këtë vend. Më takon mua të bëjë një betejë. Kjo betejë nis nga vlera e fjalës, vërtetësia e saj. Kur njeriu beson fjalën, vepron mbi atë. Ata që besojnë gënjeshtra, bën veprimin e gabuar. Brezi i ri, ata që kanë lindur në liri, e dinë peshën e saj.”, tha ajo.
