Ditën e sotme ka qarkulluar një lajm, sipas të cilit Gjykata e Tiranës ka dhënë urdhër mbrojtje për ish-bashkëshorten dhe djalin 16-vjeçar të Kujtim Gjuzit.
Kjo pasi ish-gruaja akuzon kreun e Partisë Konservatore se ka ushtruar dhunë fizike ndaj tyre dhe pas kallëzimit, ata janë pajisur me urdhrin e mbrojtjes.
Gjykata i kërkon Gjuzit t’i qëndrojë 200 metra larg ish-bashkëshortes dhe djalit, duke e urdhëruar deputetin të mos kryejë dhunë në familje, të mos hyjë dhe as të mos qëndrojë në apartamentin në pronësi të ish-gruas dhe djalit.
Një tjetër pikë e vendimit është dhe një urdhëresë për komisariatin nr. 1 në Tiranë, e cila duhet të shoqërojnë deputetin për të tërhequr sendet personale nga apartamenti.
Por, çfarë thotë i akuzuar për këtë vendim?
Në një prononcim për Dosja.al deputeti i opozitës së re ka hedhur poshtë këtë akuzë, teksa shprehet se e gjitha është një pretendim nga ish-bashkëshortja.
Po ashtu, Gjuzi ka bërë me dije se vendimi i gjykatës për të lëshuar një urdhër-mbrojtjeje është apeluar.
“Nuk është e vërtetë që kam rrahur ish-gruan dhe djalin 16 vjeç. Madje edhe pretendimi i ish-bashkëshortes është se kam dhunuar djalin, e jo atë vetë. Megjithatë ky urdhër mbrojtjeje është apeluar nga unë dhe avokatët e mi në gjykatë “, tha Gjuzi.
Gjuzi u divorcua nga ish-bashkëshortja vitin që lamë pas, pasi u bë deputet.
Ai shpesh është parë duke fjetur gjumë në Kuvend, duke nxitur thashethmet se është lënë jashtë nga ish-gruaja.
Po ashtu, Gjuzi është filmuar duke ngrënë në një byrektore pranë Parlamentit, gjë e cila në pamje të parë është diçka normale, por njerëzve iu është dukur e habitshme për një deputet.
Byrekë dhe dhallë. Deputeti kapet ‘mat’ në ish-Bllok, del nga Kuvendi dhe shkon në një lokal
