Shefi i Grupit Parlamentar të Lëvizjes Vetëvendosje, Rexhep Selimi, do të dalë sot për herë të parë përpara trupës gjykuese të Dhomave të Specializuara në Hagë.
Gjykata Speciale është mandatuar nga qeveria e Kosovës dhe e përbërë nga një trup gjykuese ndërkombëtare, për të hetuar krimet e luftës gjatë Luftës së Kosovës.
Bëhet me dije se ish-komandanti i UÇK-së, tashmë deputeti i LVV-së, Rexhep Selimi, do të dalë para gjykatësit të procedurës paraprake sot në orën 11.00.
Kujtojmë se gjatë dy ditëve të kaluara, dolën përpara Dhomave të Specializuara, ish-kreu i PDK Kadri Veseli, ish-kryeparlamentari Jakup Krasniqi dhe ish-Presidenti i Kosovës, Hashim Thaçi. Të gjithë i kanë mohuar akuzat e bëra nga Gjykata Speciale ndaj tyre./GazetaReforma.com/
