Gjykata ndryshoi masën e sigurisë për 59-vjeçarin Hitesh Patel, njëri nga tre indianët e arrestuar në Shqipëri dhe që kërkohet në vendin e tij për një skemë mashtrimi përmes të cilat janë përvetësuar 725 milionë dollarë.
Hitesh Patel, indiani i arrestuar në Shqipëri për skemën e mashtrimit në vendin e tij la qelinë pas 40 ditëve të qëndrimit në paraburgim.
Zbutja e masës së sigurisë për 59-vjeçarin që dyshohet të ketë pastruar gjithashtu para, erdhi në përfundim të masës me afat 40 ditor të shpallur nga Gjykata e Tiranës.
Hitesh Patel, i cili është kunati i Nitin Sandesares ka lënë ambientet e paraburgimit dhe gjenden ne arrest shtëpie në Tiranë ku edhe ruhet nga forcat e policisë.
Në pritje të dosjes së tij nga India, gjykata e ka dërguar ne arrest shtëpiak derisa të mbërrijë fashikulli. Por për këtë shtetas pritet të ketë vështirësi për ekstradimin e tij dhe dorëzimin autoriteteve indianë përsa kohë Shqipëria nuk ka marrëveshje ekstradimi me Indinë.
E ndërsa dy vellezërit indian Nitin Sandesara dhe Chetan Sandesara u larguan nga Shqipëria në muajin mars, kunati i tyre u arrestua. Në të njëjtën ditë që indiani, Patel, i akuzuar për pastrim parash u arrestua në Rinas në tentativë për t’u arratisur, bashkë me të kanë qenë edhe kunetërit e tij, vëllezërit Sandesara, të cilët kanë fluturuar me charter nga Tirana në Dubai pa asnjë problem ligjor. Burime për Shqiptarja.com thanë se nuk ka pasur asnjë urdhër arresti ndërkombëtar për ndalimin e tyre. Pas lajmeve se ishte i kërkuar për mashtrim, Ministria e Punëve të Jashtme ndërpreu mandatin si konsull nderi të Republikës së Shqipërisë të Nitin Sandesara në Nigeri.
Spas burimve të “shqiptarja.com” dy vëllezërit indianë Nitin Sandesara dhe Chetan Sandesara, që morën shtetësinë shqiptare vitin e kaluar dhe që u përfolën në media, se ishin persona të kërkuar për mashtrim reaguan përmes kompanisë së tyre në Tiranë që ka investuar në sektorin e shërbimeve dhe ndërtimit. Kompania thotë se grupi Sandesara ka një prani të madhe të biznesit në mbi 75 vende në botë. Në njoftim theksohej se në 2017 janë hetuar në Indi për mashtrim dhe pastrim parash, por kjo sipas tyre ka ndodhur për qëllime politike, ndërsa shtojnë se sipas tyre asgjë nuk është provuar dhe gjithcka është dashakeqe.
