Në Bashkinë e Bulqizës, tre zyrtarë të arrestuar nën akuzat e “Falsifikimit të dokumenteve”, “Shpërdorimit të detyrës” dhe “Korrupsionit pasiv të personave që ushtrojnë funksione publike” u paraqitën në seancën gjyqësore të dielën. Pas rreth dy orësh seancë, gjykata e Shkallës së Parë të Juridiksionit të Përgjithshëm Dibër vendosi masën e sigurisë ndaj tyre. Administratori i Njësisë Administrative Ostren, Luan Mjeshtri (vëllai i kryebashkiakes së Bulqizës, Festime Mjeshtri) dhe Arlin Limani, Specialist i Shërbimit Social, u dërguan në burg, ndërsa sekretari i Këshillit Bashkiak Bulqizë, Fitim Balla, u vendos në arrest shtëpie .
Tre personat e lartpërmendur dyshohet se në bashkëpunim me njëri-tjetrin kanë shpërdoruar detyrën duke falsifikuar dokumente të Gjendjes Civile për të pajisur qytetarë të ndryshëm me vërtetime se banonin në Njësinë Administrative Ostren me qëllim regjistrimin në shoqatën “Golloborda” në mënyrë që të përfitonin dokumente si shtetas bullgar
