“Arrest me burg”, kjo është masa që gjykata ka dhënë për 54-vjeçarin Nesim Demollarin, i akuzuar si autor i vrasjes së nënës së tij.
Por, ky i fundit nuk pranoi krimin para Gjykatës, ai tha: “Nuk janë të sakta çfarë tha prokurori. Mamanë e gjeta në korridor. E ushqeja unë. Bënte veprime të pandërgjegjshme. Me quante Goni jo Nesim. Dilte nga shtëpia vetë, ishte me sklerozë, binte dhe rrëzohej vetë. E gjeta midis banjos dhe korridorit të shtrirë.
E çova në dhomë. I shërbej prej vitesh. Kishte renë nga divani në tokë. Dy ditë më parë vrau syrin. Nuk e kam vrarë, vdiq vetë. Pasi vdiq mora vëllanë në telefon. Kam punuar 20 vite në Greqi. Jam i pafajshëm. Të gjykohem i lirë. Dua të punoj, se nuk kam të ardhura.”
Prokuroria kërkoi masën arrest me burg. Organi i akuzës tha se ka prova që 54 vjeçari e ka dhunuar nënën derisa ajo humbi jetën. Para gjykatës dëshmuan edhe fqinjët e 54-vjeçarit, të cilët thanë se Demollari e rrahu nënën për 30 minuta.
